soli, drüber schlafe isch immer guet.
bin immer nachli aagschlage weg mine mandle, darum au rächt greizt, sell aber nöd als entschuldigung gälte.
ich gibder völlig rächt, ich han übereifrig reagiert bez. unwissenheit wie das anti spam modul gnau funktioniert.
es het mich au ehrlich gseit nie gross kümmeret will in erster linie all die spammer blockiert worde sind wo eus gnervt hend.
e ziit lang hani öpe 20 posts/threads täglich manuell glöscht..!
es isch jetzt eifach blöd gloffe mit dere elia, ändere chanis leider nöd, es git au kei whitelist womer spezielli wörter drinn chönt erfasse.
aber als noob bezeichnet hani da niemert, soviel staht mal fest.
weg de ip adressene, es git wegem dateschutzrächt es gsetz wo eigentlich all isp's di vergebene ip adressene füren gwüsse ziitrahme "sperre". ich chan der aber nöd säge eb sich würklich all isp's dra halted, git au todsicher diesbezüglich irgendwo e grauzone - aber das mitem ip pool womer eifach nimmt und wieder ableit wär ganz eifach illegal und das macht so sicher kein provider. sus wärs würklich komisch, chas der aber nöd zu 100% säge.
bez. entschuldigung, beruht glaubs mittlerwiile uf gegesiitigkeit, gömmer aber am beste zäme es bierli go neh am nächste ct
wo findets schowieder statt? albanie? han im hinderchopf dases immer wiiter weg isch oO