[Lol] Diamond I Smurf carries Bronze+

[ntr0py]

http://www.twitch.tv/ayeq/

Relativ informativer Stream wie man Low Elo Ranked carried. Quelle: Reddit.

 

[freakpants]

und was nützt eim die information wenn me mechanisch nur silver bis gold isch und nid diamond?

 

[ntr0py]

Tipps send trotzdem hilfrich, fendi.

 

[freakpants]

jop, aber me mues nid z gfieu ha me cha wie dä es spiu i 18 minute miteme 15-1-10 fiddle abschliesse...

das fingi au immer so lustig we lüt behaupte elo sig präzis und aus beleg genau sörigi twinks vo de beste 0.1% bringe...

 

[Eisiplosion]

Also wenn öpper seit, Elo segi präzis, denn redet de vilicht über Schach aber sicher nöd über soloqueue.

Grundsätzlich bewiesed die lüt aber, das Elo ebe au für Soloqueue funktioniert. Es wird halt dütlicher, wenn d Differenz vom momentane Elo zum Zielelo grösser isch. Das würd aber au funktioniere, wenn de Typ nur 2 Divisione drüber wär (also knapp Plat).

 

[freakpants]

si bewiese das diamantspieler besser si aus bronze, ja.. das het itz aber au niemer so sehr i frog gsteut...

e isch eifacht das viu bronze spieler eher leder sötte si und es paar silber und es brucht haut au e gwüssi portion glück dört usezcho weme nid krass viu besser isch, und das isch mengisch frustrierend.

jop, aber me mues nid z gfieu ha me cha wie dä es spiu i 18 minute miteme 15-1-10 fiddle abschliesse...

ig nihme aues zrugg ^^ fiddle fear isch mau sowas vo pervers geil.

 

[ntr0py]

http://www.reddit.com/r/leagueofleg...hellsupport_experiment_placement_to_platinum/ (removed, kei ahnig y)

Stream: http://www.twitch.tv/senpailol
Doku: https://docs.google.com/spreadsheet/lv?key=0Ai2_TozqGaK2dDJHcnRVQ2FyZXRVVGJaVEkzTklnSkE&toomany=true

Ou enteressant, allerdings rächt tragisch wenn e Diamond speler nor Silver III schafft (sälbst als support only).

Anyway, i dänke bsonders em silver berich muss me em team möglechst säge was mache, sös mache die ergend en scheiss. Da macht er chli wenig.

 

[Between]

Ou enteressant, allerdings rächt tragisch wenn e Diamond speler nor Silver III schafft (sälbst als support only).

I verstah nid, was a däm tragisch isch? Erwartisch, das e Diamondspieler aus Support 100% vo de Spiel cha gwinne? Är het e komplett neue account u gwinnt 7 vo 10 placement spiu. da find i e silber 3 platzierig sehr guet u är wird ou dämentsprächend LP bercho, wenn är jetzt witer 70% vo sine spiu gwinnt.
btw. jemals mit em ne silber 3 ADC uf der lane gspiut aus support? Gib ihm kills, protect ne mit au dine spells. Wenn är nid weiss wie autoattacke, machsch t kills besser säuber...

 

[LeBron Jarvan]

I verstah nid, was a däm tragisch isch? Erwartisch, das e Diamondspieler aus Support 100% vo de Spiel cha gwinne? Är het e komplett neue account u gwinnt 7 vo 10 placement spiu. da find i e silber 3 platzierig sehr guet u är wird ou dämentsprächend LP bercho, wenn är jetzt witer 70% vo sine spiu gwinnt.
btw. jemals mit em ne silber 3 ADC uf der lane gspiut aus support? Gib ihm kills, protect ne mit au dine spells. Wenn är nid weiss wie autoattacke, machsch t kills besser säuber...

This^
Ha uf mim Smurf 9/1 gschafft, bi uf Silver I platziert worde (aus ADC). Die Placement Matches bruche extrem viu Geduld mit dine Mitspiler wo denke si si sowiso die beste u muesse nix drzuelehre. Vorauem aus Support isches no 234876567357 mau schwiriger irgendwie dini Meinig durezsetze, da uf Silver Support generell aus useless und verschwendig giutet u wie scho erwaehnt d ADCs schrecklech si.

 

[ntr0py]

Aso i ha of support smurf d'erfahrig gmacht das oft eher die andere lanes s'problem send als de ADC. I ha locker 80% vo de lanes eigentlich gwonne. Klar send die ned sensationell gueti ADCs, aber meischtens send vo de andere lanes uscho problem cho, ond extrem vell vo jungler. Die meischte jungler send komplett planlos gsi. Aber da cha ou zufall si, dases da eso breicht het.

Ha 8/10 e de placements gschafft, ond i be grad mol knapp Gold, aso han i dänkt en Diamondspeler set das (vo der erfahrig här) ou schaffe. Guet vellech han i eifach meh glöck gha. Eigentlich lose die meischte wemme gueti calls macht nächer häre, so 70% öpe.

Vo Silver II of Gold V han i 98 Games brucht (NA account).
56% winrate, 55w / 43l
195ms ping
Thresh, Taric, (Sona), (Zyra)

 

[freakpants]

jedes Ranked Game isch au immer e Portion Glück - für Placement matches wo nur en begrenzti Azahl hesch gilt das ersch recht. Au we de diamondmässig carriesch und 25 kills hesch mues dis team doch no bereit si zum dr Nexus kille - döu wei eifach nid igseh das das s Spiuziu isch.

 

[Between]

Mir chöi jetzt hie gärn wieder e Diskussion meh starte zum Thema: SoloQ isch nume Glückssach.

I mine Spiu am Afang hei immer t ADC Problem gmacht u wenn ig ADC gmacht ha, isch der Support e "Lastpick Support" gsi wo wie immer Taric pickt het wöu är ke plan vom Support het gha. Und ob mes gloubt oder nid. Sogar Tarics chame schlächt spiele...
I findes wie gseit überhoupt kei Tragödie, dass e Diamond Spieler "nur" 7/10 gwinnt. Wie der freakpants scho gseit het: deu Lüt wei schlicht nid Turrets pushe, nach däm me e Teamfight gwunne/2-3 Kills gmacht het, oder wüsse aube ou nid wenn ufhöre pushe u wärde när vo Homeguards überrascht (findes das immer no krass, wie viu Lüt wäge Homeguards catched wärde :O).

Sigs wies wöu: mau luege wie är sech witer cha haute. Het die letschte 4/5 gwunne u eis verlore wo e Teammate DC het gha. Würk ussagechräftig wirds de i paar Wuche.

 

[freakpants]

Lieblingsfehler woni i 90% vo aune mine games gseh:

- Beidi Teams lebe, euses Team foht dragon/baron ohni pink ward ah.
- 2-3 Gegner sterbe, es wird vorem Turret camped wo 2 lüt no verteidige bis dr rest vom team respawned und aui umnatzt.
- 2-3 Gegner sterbe, und es wird gar keis Teamobjective gholt
- Teamfight wird gwunne, 1 turret wird killed, gegner respawne aui, team hets gfieu me cha es zwöits turret neh, aui sterbe.
- mid lane inhibitor isch down - team sekkled id mitti zu de nexusturrets anstatt sidelanes zu pushe
- überhaupt immer en sehr starche drang zu "all mid", unabhängig drvo was vor spielsituation her würd sinn mache
- 1 gegner isch out of positon - 2-3 lüt versuchem dr weg abzschnide. cc failed, er rennt weg. Team VERFOLGT NE. Rest vom Gegner Team chunt, chehrt dr fight.

Das si aues so Fehler wos oft gar kei Rolle spilt das dis Team 20-10 foreliit. Und we bi dene Dummheite nid mitmachsch wirsch aus antiteamplay bezeichnet u wahrschinlech sogar no reported.

Nei es ligt definitiv nid nur a glück. aber ab und zue hesch eifach paar echt miiisi games hinterenand.

 

[mYi Rouse]

TL;DR: SoloQ suckt.

 

[HansNoetig]

True that.... SoloQ suckt echt. Es git überall lüüt wos nid begriffed sogar in Diamond 1 ich froog mich echt amel wie die dett ane cho sind. Naja immer ruhig bliibe und nid flame das machts au nid besser. Mir hend scho mengi games kehrt womer nid meh als 10 kills hinedrih gsi sind.

Aber s best a Lol isch und bliibt Team Ranked.

 

[ntr0py]

I be durchus der Meinig das es en Glöckskomponente get (wo entscheidet wie schnell mer ufstigt), allerdings chont me ned eifach ene höheri Liga ohni die entsprächende Fähigkeite, bsonders als Support.

Em prinzip esch es en verstärkendi Werkig. Je höher d'Fähigkeit desto weniger Glöck werd benötigt om z'gwönne. Mängisch chame ou met alle Fähigkeite nüt mache (it's a team game).