Zitat von dos;43071:
Wenn du mir dis problem mit dr bar chönntsch gnauer erkläre wäri froh, wöu ussert barhocker wüssti ni was gross no fählt. natürlech isches ke "richtigi" bar, aber es isch e event bar wie se überall amne wuchenendsanlass würsch finge.
Dä mitem klaue isch lächerlech, mir chöi nüt derfür das de öppis hett wöue chlaue, mir hei usegfunge wärs isch gsi und hei die sache wider zrügg übercho. es isch einisch passiert und nid wider, hätt ömu nüt ghört. Eventuell hättemer drastischer söue reagiere aber es isch o für üs z erste mal gsi das so öppis passiert, mir hei halt ni gwüsst wie reagiere.
Mir hei 2 reihe "billigi" holztische gha, und o die si weder billig no schüsch schlächt. isch jetz o z erste mal wo öpper d tische anere schwizer lan kritisiert und i gloub mir wüsse alli dasde nume wosch flame. also las lieber la si.
Mir hei vili Tische gar nid ersch ufgstellt, wöu mir hei gwüsst wi vili lüt öppe wärde cho und mir sicher nid alles hätte brucht. derfür heimer halt chle me platz gha näb dr küche/kaffemaschine.
D turnier si nid guet gloffe, da gibi dir rächt und d stromusfäll hätte o ni müesse si. Aber das wär mir nöi das e LAN keni netzwerkproblem hett, und die chame meistens nid behebe indem me e chnopf drückt, das isch meistens chle komplizierter.
a jedre lan woni bisher bi gsi, hend d bars definitiv besser usgseh u si besser bedient gsi
das wegem chlaue hani eh nur halb mitbecho, ischmr ja eig. au glich, i pack mini wertsache immer ih
z erste mal? sorry, aber bisch du ou scho a lans gsi? xD
klar, problem gits immer. s problem isch nur dasses gheisse het ir 2. wird definitiv besser. scho am fritig obe hets ke netz me gha. das ganze chamer dure teste ide hütige zit. und all andere lans hend au nid gross problem. s geit ja immerno drum dass das ganze eifach "häregschosse" isch, und nid zit gno worde isch, um qualität z zeige. das isch eigentlech z problem woni demit ha, nid dasses nid funktioniert
und betreff em shootmania turnier, s isch nid ganz fair, wennmr s ganze turnier scho usezögeret und denn no druck macht. mi hät au guet turnier am fritig chönne avo, da hani mi scho gfrogt wiso nix passiert isch. alles am samschtig nomitag azfoh macht nid viel sinn.
ah und mis HAUPTPROBLEM:
d homepage. sorry, aber e lan brucht es intranet. es forum, e shoutbox womer mit nang cha kommuniziere, games vorstelle womer gern wett spiele. viele hend was gspielt, aber niemr mitnang u das isch ja z ziel anere lan. also en kritik, wo zur verbesserig dient:
düend eu es guets intranet zueche, wo d community ungerstützt, u nid unterbindet. dezue kört au, dassmr d games akündet wo ide turnier gspielt wärde, und evtl. nomol d lüt uffordered es team z mache, damit s meh als nur 4 team / spiel git.
