SysAdminDay

[charly]

Hallo Zusammen

Es ist wiedermal der letzte Freitag im Juli und das heisst es ist Heute offiziell SysadminDay.

Wer es nicht kennt:

English: http://sysadminday.com

Deutsch: http://www.sysadminday.ch

Jaja, so sind wir die Sysadmins.

An dieser Stelle möchte ich mich auch mal bei einem Sysadmin bedanken, nämlich bei Ondsen.

Ondi du alte Ultra Gay, danke dir für dini Ihsätz, nachtschichte,arbete wo du tagtäglich und sofortihsätz für fgn leistisch demit mir eus dank dine arbete im ts3 überhaupt unterhalte chönd und im forum umespame!

In diesem Sinne

HAPPY SYSADMIN DAY

Grüsse

Charly

 

[oNdsen]

haha geile siech!
?:whacky091:

 

[Xyroon]

HAPPY SYSADMIN DAY

 

[Reifnir]

für was ??? das isch ja ihren jop de wird ja zahlt für das wenn ers freiwillig wür mache ja denn chamer mal über so en tag drüber rede.
Es git ja au kein Maler tag zum Dank das er d Umgäbig verschönnered und farbig gstalltet, damit nid alles musgrau und drüeb isch.

 

[charly]

für was ??? das isch ja ihren jop de wird ja zahlt für das wenn ers freiwillig wür mache ja denn chamer mal über so en tag drüber rede.
Es git ja au kein Maler tag zum Dank das er d Umgäbig verschönnered und farbig gstalltet, damit nid alles musgrau und drüeb isch.

Danke Reifnir, du zeigsch sehr guet uf werums de tag brucht! Es gaht nämlich um wertschätzig und genau das hend sysadmins sehr sehr wenig. will wenns lauft interessierts keine, es wird högschtens gfräget für was bruched mir dä eigentlich, slauft ja immer alles de typ choscht ja nur geld. und wenns nid lauft heissts was macht denn dä dä ganz tag.

im übrige mached mir sysadmins einiges meh als für das wo mir zahlt werded. en guete sysadmin isch im normalfall für das wonner investiert massiv unterbezahlot. es wird sehr vill i de freiziit gmacht. klar chammer sege mer isch en nerd, aber schlussendlich treits dezue bii en guete sysadmin sii. und das zahlt dir niemert. au diversi nachtschichte und wucheenarbete wird mer nid immer fair entlöhnt. chasch ja mal de ondsen fräge wieguet er doch vo fgn zahlt wird

es gaht eigentlich bi dem tag effektiv um dwertschätzig vo de ihsätz und vo de arbet wo bi sysadmins meistens zchurz chunnt.

ich weiss ja nid wies dir gaht, aber au wenn en maler verbichunnt, oder ich bim coiffeur bin oder e putzfrau chunnt. wenn si us minere sicht ihri arbet guet gmacht het denn seg ich ihre das au und zeig ihre mini wertschätzig für ihre ihsatz und ihre elan. und zwar nid nur übers geld.

und genau det isch ebe au de unterschied. es git lüüt die mached eifach ihre job so wies en müänd mache und es git lüüt die stecked herzbluet und elan i ihre job und sind drum eifach es spüürli besser. und ich finde i de hütige gsellschaft chammer dem ruhig chli mit wertschätzig entgegecho.

 

[Reifnir]

Hann mer jetzt überleit das ich das so will poste aber na ja mini meinig.

Das mit em Ondsen was er für üs macht isch hammer es isch cool ja demm stimm ich zue aber es isch keis argument dennn er machts freiwillig
Es hett ihn nie wer drum zwunge, ich will au niemert jetzt mit dem uf de schlips trette.


2ten Das wo du so beschriebsch isch uf em bau id anderscht nid i allne brance aber als maler bisch au de dubbel nur so zum sege

 

[oNdsen]

matti du checksch nid um was dases gaht.

en maler het sini arbeitsziite.
en it-ler natürlich au, abgseh vo piket und dementsprechend 24/7 iisatzziite, und das 365 tag im jahr.
es hanged alles irgendswo amene rechezentrum, und wenn du zB am 1. august zabig e bratwurst inebiegsch und es bierli gnüssisch, bi mir jedoch es telefon ie gaht das bim SAN d'festplatte 9 usgstiege isch denn hock ich im auto und fahr is datacenter zum die festplatte uswechsle.
bimene maler heissts denn eifach "isch guet, am mäntig chunt eine verbi.".

wenn ich aber de iisatz abgschlosse han und alles lauft, denn chunt nöd es email vo allne chunde "danke für de iisatz" - si hends nid mal gmerkt das ich de iisatz gha han.

wenn ich de iisatz aber nöd mache und s'SAN kackt ab, denn räbleds telefon will niemert chan schaffe.

um das gahts da!

 

[Reifnir]

ja sowit gib der ja recht, aber das isch doch bi allne wo picket hend zb schlüsseldienst oder bim heitzer wenn d heizig a de wienahchte usstiegt und me gmüetlich mit de familie isch am fiire und s telephone schället mir hend dihei chalt

defür hend mir maler immer meh körpeliche stress zb es mues denn und den erledigt sie zahle will mer aber fascht nix, momentan sind mir maler nume so am umestresse das ----> möglichst billg --->stresse suscht chunt mer nid mit em uftag use ----> chunt me nit mit uftag use -----> neue job sueche.
glaub mer was momentan uf em bau abgaht wüssed au die wenigste, und vo dene huere billig arbeiter fanget mer gar nid ah rede ;(.

Au en grund wiso ich nid is dütsche gange go ikaufe etc ich luege das ich d sache wenn möglich vo de schwiitz chan poste. aber ebbe.

Han mit em 1 post nur chli welle zündstoff geh eigentlich gar nid welle das es so usarted aber ja isch so wies isch

 

[Xyroon]

allso Matti ich seg vo jetz an mim Arzt au nüm Danke will das isch jo sin Jop :damned:

 

[Reifnir]

logisch er bechunt ja geld defür

 

[oNdsen]

matti, eifach als "chlises" bispiel (ich rede nur vom 2014):
ich han (immer) no 5 wuche ferie z'guet. han aber bereits 3 wuche gha (überstunde abbaut) und han immer no ca 38 überstunde uf mim konto (Warschinli wieder bereits meh als 45).
ich han eigentlich 8h24min pro tag woni muen leiste. trotzdem rapportier ich amene "normale" tag ide regel 9h15.
mittagspause je nach dem zwsche 5 und 15minute (schnell was inebiege).

und ja, fgn zB isch nid i dere ziit mitgrechnet ;-)
oder kollege wo es "chlises" problem hend.

ich erwarte kei mitleid, es isch ja min job. aber es gahtmer drum dir mal z'zeige das eigentlich fasch nüt mit de it chasch vergliche, usser zB en arzt oder so. ABER: en arzt chunt eigentlich vo jedem patient wieder es danke über, was en IT'ler nid bechunt. de bechunt eifach en rüffel wenns nid lauft - wenns lauft, denn isches eifach de standard.

 

[Skillphil]

Da ich auch in dieser Branche arbeite ist es so zu erklären. Unsere Arbeit / Dienstleistung wird vom Kunden / Mitarbeiter meist nicht gesehen / bemerkbar.

Wenn ein Maler zb. seine Arbeit macht, dann sieht man es. Bei der Putzfrau das selbe.

Wenn wir aber Updates auf Funktion und Stabilität testen und verteilen bemerkt dies kein Schwein.

Beispiel vor einer Woche:

Die IWB hatte einen Stromunterbruch von einer Stunde, unsere USV (Batterie) hält aber nur 30min. Dies war an einem Sonntag morgen. Drei Informatiker unter anderem ich bekamen eine SMS. Sonntag um 08.00 Uhr waren wir vor Ort und haben all unsere Server Infrastruktur hochgefahren und die Systemwartung durchgeführt. Bis um 16.00 Uhr waren wir dann auch fertig. Um 17.00 Uhr kamen die Mitarbeiter und bemerkten von unsere ganzen Arbeit nichts weil ja alles funktionierte.

 

[charly]

Im IWB gabs einen Stromausfall? Garnicht gemerkt

Seit Ihr denn nicht auch an den Notstromdiesel der IWB angeschlossen?

 

[Reifnir]

Nei wiso es lauft ja alles

I love to entertain you